តើមានអ្វីកើតឡើងចំពោះរាងកាយអ្នក បើសិនជាអ្នកញ៉ាំផ្លែត្រសក់រាល់ថ្ងៃពេញមួយខែ???

តើមានអ្វីកើតឡើងចំពោះរាងកាយអ្នក បើសិនជាអ្នកញ៉ាំផ្លែត្រសក់រាល់ថ្ងៃពេញមួយខែ?

https://www.facebook.com/messages/t/bunheng.ros

តាមការសិក្សាស្រាវជ្រាវត្រូវបានគេសន្មត់ថា ផ្លែត្រសក់មានសារធាតុបំប៉នច្រើន

ដែលអាចជួយទ្រទ្រង់រាងកាយរបស់យើង  ជួយប្រឆាំងទៅនឹងមេរោគ

ជម្ងឺ ដូចជាមហារីកជាដើម។ វាមានជាតិបន្សាបដែលផ្ដល់ទៅរាងកាយយើង ក៏ដូចជា ជួយរក្សាជាតិទឹកក្នុងខ្លួន ជំនួយដល់ស្បែក និងសុខភាព សក់យើងទៀតផង។ ដូច្នេះ កាលដែលយើងបន្ថែមផ្លែត្រសក់នៅក្នុងមុខម្ហូបរាល់ថ្ងៃនៃអាហាររបស់យើង លោកអ្នកនឹងអាចទទួលបានផលប្រយោជន៏ជាច្រើន។

ផ្លែត្រសក់មានសារធាតុបំប៉ន

អត្ថប្រយោជន៏ចំបងរបស់ផ្លែត្រសក់គឺវាជួយទ្រទ្រង់ជាតិទឹកក្នុងរាងកាយរបស់យើង និងជួយបន្សាបនូវមេរោគមិនល្អដែលមាននៅក្នុងខ្លួនយើងពីការញ៉ាំអាហារផ្សេងៗ។ ៩៥% នៃផ្លែត្រសក់គឺជាជាតិទឹកដែលរាងកាយរបស់យើងត្រូវការជាចាំបាច់ និងសារធាតុវីតាមីន ដែលនឹងបំប៉នដល់រាងកាយ និងសុខភាពយើងទាំងមូលផងដែរ។

មួយវិញទៀត គឺវាអាចជួយដល់ក្លិនមាត់ ក្លិនដង្ហើមរបស់យើង។ ផ្លែត្រសក់នឹងជួយវាយប្រហារបាក់តេរីពីក្នុងខ្លួនយើង ដែលអាចកកើតជាក្លិនមិនល្អនៃរាងកាយនិងមាត់ ដង្ហើមរបស់យើង។ អ្នកគ្រាន់តែដាក់ផ្លែត្រសក់មួយចំនិតតូចក្នុងមាត់ រួចបៀមវាទុកក្នុងមាត់មួយសន្ទុះ វានឹងអាចជួយសម្អាតខ្យល់ដង្ហើមមិនល្អរបស់អ្នកបាន។

លើសពីនេះ ផ្លែត្រសក់នឹងជួយដល់ការរំលាយអាហារ និងរំលាយជាតិខ្លាញ់ដែលមានក្នុងខ្លួនយើងទៀតផង។ ផ្លែត្រសក់មានផ្ទុកជាតិហ្វាយប៊ឺ ដែលជួយសម្អាតក្រពះរបស់យើង និងពោះវៀនរបស់យើង ក៏ដូចជាកាកសំនល់មិនល្អផ្សេងៗចេញពីរាងកាយ។ វាល្អសម្រាប់អ្នកដែលចូលចិត្តតមអាហារ អ្នកដែលខ្លាចធាត់ ដូច្នេះអ្នកអាចជ្រើសរើសញ៉ាំផ្លែត្រសក់ជាប្រចាំជាមួយអាហារទាំងបីពេលរបស់អ្នក។ បើនិយាយជារួមគឺផ្លែត្រសក់ជាបន្លែមួយប្រភេទដែលល្អចំពោះសុខភាពយើងទាំងមូល និងមិនមានផលប៉ះពាល់អ្វីដល់សុខភាពយើងឡើយ៕

អត្ថបទល្អផ្សេងទៀត៖ តើមានអ្វីកើតឡើងបើសិនជាយើងផឹកទឹកដោះគោជំនួសទឹករាល់ថ្ងៃ?

“ទឹកដោះគោជួយដល់រាងកាយរបស់យើងឱ្យមានសុខភាពល្អ” នេះជាអ្វីដែលយើងបានលឺពីការផ្សាយពាណិជ្ជកម្មទឹកដោះគោរាល់ថ្ងៃបាននិយាយ។ ប៉ុន្តែបើសិនជាយើងយករឿងផឹកទឹកដោះគោ នោះមកពិចារណាឱ្យបានដិតដល់យើងនឹងអាចរកឃើញហេតុផលជាច្រើនទៀត ដែលវាអាចមានឥទ្ធពលមកលើរាងកាយរបស់យើង។ តួយ៉ាងបើសិនជាយើង ផឹកវាជារៀងរាល់ថ្ងៃជំនួសទឹក តើនឹងមានអ្វីកើតឡើង???

១. ជួយបំប៉នសប្បុរស្បែកយ៉ាងអស្ចារ្យ

មាននារីម្នាក់បានសាកល្បងការងូតទឹកត្រាំជាមួយនឹងទឹកដោះគោស្រស់ក្នុងអាងទឹករបស់នាង​ ជាលទ្ធផលនាងបានឃើញថាស្បែករបស់នាងមានការប្រែប្រួលច្រើន ទៅជាស្រស់ថ្លាជាងមុន ហើយក៏មានសំណើម មិនស្ងួត ធ្វើឱ្យនាងមានទំនុកចិត្តលើខ្លួនឯងជាងមុន ដោយសារតែស្បែកនាងគឺស្អាតជាងមុន។ ដូច្នេះ មិនខុសគ្នាអ្វីពីនេះ បើសិនជាយើងផឹកទឹកដោះគោ ជារៀងរាល់ថ្ងៃ នោះវានឹងជួយបំប៉នស្បែករបស់យើងឱ្យភ្លឺថ្លា សស្អាតជាងមុន ដោយមានជាតិបំប៉នពីខាងក្នុងស្បែកតែម្តង។

២. ធ្មេញរឹងមាំ

ទឹកដោះគោមានជាតិកាល់ស្យូមច្រើន ជាងភេសជ្ជៈដទៃៗ ដូច្នេះគឺវាអាចជួយឱ្យធ្មេញយើងមានភាពរឹងមាំជាងមុនជាមិនខាន។ កាត់បន្ថយការពុកធ្មេញ ដែលយើងតែងតែចង់បានដំណោះស្រាយពីលោកគ្រូពេទ្យ។ ជាតិកាល់ស្យូមអាចជួយធ្មេញយើងបានលុះត្រាតែវាមានការផ្សំពីវីតាមីន D ផងដែរ ដូច្នេះ បើចង់ញ៉ាំទឹកដោះគោ ត្រូវជ្រើសទឹកដោះគោណា ដែលមានជាតិវីតាមីន D ច្រើនជាងគេ។

៣. ឆ្អឹងមានសុខភាពល្អ

វាជាការត្រឹមត្រូវណាស់ ដែលថាការផឹកទឹកដោះគោ គឺជួយឱ្យឆ្អឹងរឹងមាំជាមុន បំប៉នឆ្អឹង ធ្វើឱ្យឆ្អឹងយើងមានសុខភាពល្អ។ ជាពិសេស គឺចំពោះកុមារវ័យជំទង់ដែលត្រូវការជំនួយពីទឹកដោះគោ ដើម្បីជួយឆ្អឹងរបស់គេ ព្រោះគេកំពុងតែស្ថិតក្នុងវ័យលូតលាស់ ដូច្នេះ គេត្រូវតែផឹកទឹកដោះគោឱ្យបានច្រើន។

៤. ការលូតលាស់នៃសាច់ដុំ

ជាតិវីតាមីនដែលមាននៅក្នុងទឹកដោះគោស្រស់ គឺអាចជួយដល់ការលូតលាស់នៃសាច់ដុំរាងកាយរបស់យើងផ្ទាល់ ជាកុមារៗតែម្តង។ ដូចឃើញស្រាប់ហើយ ថាកីឡាករជាច្រើនបានជ្រើសរើសទឹកដោះគោ ដើម្បីជំនួយសាច់ដុំរបស់គេ ឱ្យសាច់ដុំរាងកាយរឹងមាំ និងមានចលនាស្រួល ដែលជួយដល់ការធ្វើចលនា ក្នុងការប្រកួតរបស់គេ។ ហើយវាក៏ជួយកាត់បន្ថយការឈឺចាប់នៃសាច់ដុំរបស់យើង រាល់ពេលដែលយើងធ្វើសកម្មភាពខ្លាំង ឬធ្វើអ្វីហត់ខុសធម្មតា។

៥. ជួយស្រកទម្ងន់

មានការសិក្សាជាច្រើនបានរកឃើញថា នារីដែលញ៉ាំទឹកដោះគោច្រើន អាចមានឱកាសស្រកគីឡូច្រើនជាង នារីដែលមិនសូវបានផឹកទឹកដោះគោ។ បើសិនជាអ្នកកំពុងតែស្វែងរក អាហារជំនួយ អ្នកគួរតែជ្រើសរើសការញ៉ាំ ទឹកដោះគោជាប្រចាំ។ ហើយអ្នកគួរញ៉ាំទឹកដោះគោ កំឡុងពេលអាហារពេលល្ងាច ក៏ដូចជារាល់ពេលដែលអ្នកញ៉ាំផ្លែឈើផងដែរ ទើបមានប្រសិទ្ធភាព។

៦. កាត់បន្ថយស្រ្តេស

អរគុណដល់ជាតិខនិជ និងជាតិវីតាមីនជាច្រើនដែលមាននៅក្នុងទឹកដោះគោ ដែលជួយដល់ការបំបាត់ស្រ្តេស។ ជាពិសេស នៅពេលដែលយើងហត់នឿយពីការងារនៅកន្លែងធ្វើការ ឬពីរឿងអ្វីផ្សេងៗ អ្នកគួរតែជ្រើសរើសញ៉ាំទឹកដោះគោ មួយកែវភ្លាម ជាពិសេសគឺទឹកដោះគោ ដែលក្តៅអ៊ុនៗ ព្រោះវាជួយបន្ថយភាពតានតឹងនៃសាច់ដុំរាងកាយ និងប្រព័ន្ធប្រសាទដើរស្រួល។

៧. កាត់បន្ថយរោគសញ្ញារបស់ស្រ្តី

ជាតិវីតាមីន ដែលមាននៅក្នុងទឹកដោះគោ នឹងជួយកាត់បន្ថយការឈឺចាប់របស់ស្រ្តី រាល់ពេលមានបញ្ហាប្រចាំខែ។ ធ្វើឱ្យរាងកាយរឹងមាំ រាងកាយធូរស្រាលពីការឈឺចាប់ និងការពារពីផលប៉ះពាល់មិនល្អមកលើស្រ្តី រាល់ពេលមានបញ្ហារាល់ខែរបស់ខ្លួនកើតឡើង។

៨. ផ្ដល់ថាមពលរាងកាយ

ទឹកដោះគោនឹងជួយអ្នកឱ្យមានកម្លាំងកំហែងឡើងវិញ ក្រោយពីអ្នកជួបភាពនឿយហត់រួចមក អ្នកត្រូវឆ្លៀតពេលឱ្យរាងកាយសម្រាក រួចញ៉ាំទឹកដោះគោស្រស់ ដែលត្រជាក់ៗ មួយកែវភ្លាម អ្នកនឹងបានថាមពលនៃរាងកាយមកវិញភ្លាមៗតែម្តង។

៩. កាត់បន្ថយការឆ្អល់នៃផ្លូវដង្ហើម

មានអាហារជាច្រើនដែលមានអាស៊ីដដែលបណ្តាលឱ្យមនុស្សមានការក្រហាយ ឬឆ្អល់ដើមទ្រូង។ វិធីមួយក្នុងចំណោមវិធីសាមញ្ញបំផុតនិងល្អបំផុតដើម្បីបន្ថយការឈឺចាប់នេះគឺការផឹកទឹកដោះគោមួយកែវ។ អារម្មណ៍ត្រជាក់និងភាពរឹងមាំនៃទឹកដោះគោជួយកាត់បន្ថយបំពង់អាហារនិងស្រទាប់ក្រពះដើម្បីការពារការឆ្អល់នៃដើមទ្រូង។

១០. ប្រឆាំងនឹងមេរោគ

ក្នុងរយៈពេលប៉ុន្មានទសវត្សចុងក្រោយនេះក្រុមអ្នកស្រាវជ្រាវបានរកឃើញថាទឹកដោះគោជួយការពារជំងឺផ្សេងៗជាច្រើន។ នេះរួមបញ្ចូលទាំងសមត្ថភាពរបស់វាដើម្បីជួយបន្ថយសម្ពាធឈាមខ្ពស់និងបន្ថយហានិភ័យនៃជំងឺដាច់សរសៃឈាមខួរក្បាល។ លើសពីនេះទឹកដោះមានសមត្ថភាពកាត់បន្ថយការផលិតកូឡេស្តេរ៉ុលដោយថ្លើមរបស់អ្នកហើយជួយកែលម្អភ្នែក។ មានអ្នកស្រាវជ្រាវមួយចំនួនជឿថាទឹកដោះគោក៏អាចបន្ថយហានិភ័យនៃការវិវត្តនៃមហារីកមួយចំនួនផងដែរ។  

ឥឡូវអ្នកដឹងថាមានវិធីជាច្រើនទៀតដើម្បីទទួលទានទឹកដោះគោ ដើម្បីទទួលបានប្រយោជន៏ទាំងនោះ នកប្រហែលជាឆ្ងល់ថាតើអ្នកត្រូវផឹកទឹកដោះគោប្រភេទណា។ ចម្លើយខ្លីគឺប្រភេទណាក៏បានដែរ។ ទាំងអស់នឹងផ្តល់អត្ថប្រយោជន៍ដូចគ្នា គ្រាន់តែមានកម្រិតផ្សេងៗនៃជាតិខ្លាញ់និងកាឡូរី។ ដូច្នេះតើអ្នកកំពុងរង់ចាំអ្វី? ទៅទទួលទានទឹកដោះគោឱ្យបានច្រើន និងទាញផលប្រយោជន៍ពីផលប្រយោជន៍ដ៏អស្ចារ្យរបស់ទឹកដោះគោ៕

ទំនាក់ទនង់ផ្សព្វផ្សាយពាណិជ្ជកម្ម សូមទំនាក់ទំនងលេខទូរស័ព្ទ 086 822 943